“Həftənin Məqaləsi” müsabiqənin elanı: Qaydalar və Şərtlər

Poscrib-də "Həftənin Məqaləsi" müsabiqəsinə xoş gəlmisiniz! Bu müsabiqənin məqsədi ən fəal yazıçıları cəlb etmək və motivasiya etməkdir. Təcrübənizi bölüşməyə hazırsınız? Budur şansınız! Qaydalar və Şərtlər haqqında aşağıda öyrənə bilərsiniz:

1. Təsvir

"Həftənin Məqaləsi" müsabiqəsi (bundan sonra "Müsabiqə") bu Qaydalar və Şərtlərə əməl edən Poscrib.com platformasında qeydiyyatdan keçmiş bütün istifadəçilər üçün açıqdır. "Poscrib" Məhdud Məsuliyyətli Cəmiyyətinin (VÖEN: 1406546021) əməkdaşları Müsabiqədə iştirak edə bilməz.

2. Müsabiqənin müddəti

Müsabiqə 13 Aprel 2024 tarixində başlayır və 19 Aprel 2024 tarixində bitir. Yoxlanış və qalibin seçimi üçün bütün məqalələr bu müddət ərzində təqdim edilməlidir.

3. Necə iştirak etmək olar

Platformada qeydiyyatdan keçin;
Əlaqə üçün şəxsi LinkedIn və ya Instagram hesabınızı Keçidlər bölməsində qeyd edin;
Məqalə paylaşın;

Beləliklə, iştirakçılar müsabiqə müddətində platformada qeydiyyatdan keçməklə öz məqalələrini paylaşmalıdırlar.

Hər bir müəllif yalnız bir məqalə təqdim edə bilər.

4. Qalib seçimi

Müsabiqənin sonunda, yəni 20 Aprel tarixində, qalib ən çox oxunan 5 məqalə arasından seçiləcək.

Seçim aşağıdakı meyarlar əsasında aparılacaq:

Məqalənin peşəkarlığı;
Oxuculara dəyərli olması;
Məzmunun orijinallığı;

5. Mükafat

Qalib 50 AZN (Azərbaycan Manatı) məbləğində mükafat qazanacaq.

Poscrib, mükafatın köçürülməsini təşkil etmək üçün LinkedIn və ya Instagram hesabı vasitəsilə qaliblə əlaqə saxlayacaq.

Mükafat, qalibin elanından sonra 5 iş günü ərzində qalibin təqdim edəcəyi debet kartına köçürüləcək.

Qalib, mükafatın köçürülməsi üçün dəqiq və etibarlı debet kartı məlumatlarının təqdim edilməsinə görə məsuliyyət daşıyır.

6. Qalibin elanı

Qalib, 20 Aprel tarixində Poscrib.com-da və Poscrib-in Instagram və LinkedIn sosial hesablarında elan olunacaq.

7. Əqli mülkiyyət

Platformada qeydiyyatdan keçməklə iştirakçı İstifadəçi Razılaşması və Məxfilik Siyasəti ilə razılaşır.

8. Ümumi şərtlər

Müsabiqənin şərtlərini pozan və ya platformanın xüsusiyyətlərindən sui-istifadə edən hər hansı iştirakçı/istifadəçi müsabiqədən dərhal kənarlaşdırılacaq. Əlavə şərtlər platformanın Qadağalar səhifəsindən təqdim olunub.

Müsabiqə ilə bağlı bütün məsələlərdə Poscrib-in qərarı qətidir.

Poscrib əvvəlcədən xəbərdarlıq etmədən istənilən vaxt Müsabiqəyə dəyişiklik etmək və ya ləğv etmək hüququnu özündə saxlayır.

9. Şərtlərin qəbulu

Müsabiqədə iştirak bu Qaydalar və Şərtləri qəbul etmək deməkdir.

10. Əlaqə

Müsabiqə ilə bağlı hər hansı çətinliklərin yarandığı halında [email protected] e-poçtuna müraciət edə bilərsiniz. İştirakçılara, hər hansı yeniləmə və ya dəyişikliklər üçün vaxtaşırı bu Qaydalar və Şərtləri nəzərdən keçirmələri tövsiyə olunur.