Poscrib: Yanvar ayının performans və dizayn təkmilləşdirmələri

Bu ay platformamızda bir sıra müsbət dəyişikliklər etdik və ən son yenilikləri bir məqaləyə toplayıb sizinlə bölüşmək istəyirik. Tamamilə yeni “İzləyicilər sistemi”ndən, saytın təkmilləşdirilmiş performansına qədər, istifadəçi təcrübəsini artıracaq yenilikləri təsvir edəcəyik.

İzləyicilər sistemi: Auditoriyanız ilə əlaqə

Bu yenilik, müəlliflər və onların izləyiciləri arasında əlaqələri gücləndirmək üçün nəzərdə tutulmuş bir xüsusiyyətdir. İndi oxucularınız profilinizi asanlıqla izləyə, ən son yazılarınızdan xəbərdar ola və məzmununuzla daha asan əlaqə saxlaya bilər. Bu funksiya platformamızda icma hissini gücləndirmək məqsədi daşıyır və izləyicilərinizlə əlaqə saxlamağı asanlaşdırır.

Performans: Poscrib, amma daha sürətli

Auditoriyanın etibarını qazanmaq üçün saytın hamar və sürətli işləməsini vacib hesab edirik. Buna görə də biz platformanın ümumi performansını sürətləndirmək üçün səy göstərdik. İndi daha sürətli yükləmə, daha hamar naviqasiya və ümumi təkmilləşdirmənin şahidi olacaqsınız.

Profil səhifəsinin yeni dizaynı: *artıq ikinci dəfədir yeniləyirik

İstifadəçinin şəxsiyyətini və yaradıcılığını maksimum müsbət şəkildə əks etdirmək üçün profil səhifəsinə önəm veririk. Ümumən, profil səhifəsini vizual olaraq daha cəlbedici və rahat naviqasiya edə biləcək olması üçün yenilədik. Həmçinin, “Haqqımda” və “Keçidlər” bölmələrin sayəsində profilinizi asanlıqla fərdiləşdirə bilərsiniz.

Daxil olma və qeydiyyat səhifələrini də unutmadıq

Səhifələri daha sadə, istifadəçi təcrübəsini daha yüngül etdik. İndi hesabınıza daxil olmaq və ya yenisini yaratmaq mümkün qədər asan olacaq.

Qarşıda nə var? Daha çox yeniliklər!

Önümüzdəki həftələrdə redaktorumuza əhəmiyyətli təkmilləşdirmələr təqdim edəcəyik. İdeyalarınızı asanlıqla rəqəmsal məzmuna köçürməyə imkan verən daha intuitiv və xüsusiyyətlərlə zəngin redaktor hazırlayırıq. İstər təcrübəli istərsə də yeni başlayan müəllif olmağınızdan asılı olmayaraq, təkmilləşdirilmiş redaktorumuz, yaradıcılıq ehtiyaclarınıza cavab verəcəkdir.

Bloq təcrübənizi asanlaşdıracaq bir sıra maraqlı yeni funksiyalara hazır olun. Qarşıdan gələn funksiyalar haqqında elanlar üçün bizi izləyin.

Bu təkmilləşdirmə ayını yekunlaşdırarkən platformanın statistikasını qeyd etmək istəyirik.

İlin əvvəlində söz verdiyimiz kimi, daha çox yeni funksiyalar təqdim etməyə davam edəcəyik və platformanın inkişafı üçün əlimizdən gələni edəcəyik.

Poscrib-in mühüm hissəsi olduğunuz üçün sizə səmimi qəlbdən təşəkkür edirik!